Diahuebs anochi e acohida di parti di esnan cu lo participa na e MetaFit walk & run 2023 dia 2 di juli proximo tabata uno masal. Ya for di 5or di atardi e area rond di Gloria Aruba a bira super druk cu rij nan largo di hendenan cu a bini y sigur nan participacion na e MetaFit walk & run. Tanto paden como pafor tabata tin hopi hende mes. Mester bisa cu tur negoshi a pone 25% di discuento mientras di parti di Pf Chang a reparti algun snack y refrescante pa esnan presente. A reina un bon ambiente unda e conocido Dj Vibes a entertene tur presente cu su dushi musica. Nos a bin compronde for di e organisadornan cu a registra riba 1000 persona caba pues haci liher si abo tambe kier forma parti ainda di e MetaFit walk & run 2023 pa motibo cu lo yega e cantidad di 1500 participante so.
Asistencia masal na e registracion y pick-up day di MetaFit walk & run na Gloria Aruba
1.1K
