1.6K
Nos muchanan di U12 ta batayando fuerte den e torneo di baseball Babe Ruth Caribbean Championship na Bahamas. Despues di e gana nos prome wega contra di Corsow, nos muchanan a hunga nan di dos wega ni 3 ora despues e biaha aki contra Puerto Rico.
Mester bisa cu apesar di un bon pitcheo di Kevin Erasmus cu mester a wordo cambia debi na pitch count, Aruba tabata bon para pero no por a wanta Puerto Rico na ultimo. Aruba ta bin perde nan wega cu e score final di 8 – 3.
Pitcher perdedo a bira Kevin Erasmus cu a tira 4 inning solido pero mester a cambi’e door di pitch count.
E mihor bataedornan pa Aruba a bira Rowdy Croes 2-2, C-jay Emer 1-1, Kayden Leer 2-1, Travis Martinez 2-1 (in the park homerun), Xaven Maduro 3-1 y Jairoson Saladin 3-1
