Aruba Taekwondo Associacion (ARTBO) ta orguyoso di anuncia e regreso di su atletanan talentoso for di e prestigioso US Open na Reno, Nevada. Lidera pa nos Entrenador Oficial di Seleccion Nacional di Aruba Taekwondo, sr. Teo Rodriguez, e team a duna un presentacion remarcable, tresiendo cas un medaya di brons y mustrando un curason y determinacion inquebrantable durante henter e competencia.
Mientras cu e presentacion impresionante di Raymara Blanco a segura un brons hopi mereci den su division, e berdadero realce di e torneo tabata e spirito di tur e atletanan Arubano. Enfrentando oponentenan renombra, ningun di nos atletanan a hala atras. Nan a lucha cu curason y honor, mustrando nan dedicacion y talento den cada parti.
Aunke nos no a logra tur nos metanan den e torneo aki, e experiencia gana ta di un balor grandi. Nos atletanan a duna un declaracion poderoso – Aruba ta presente den e mundo di Taekwondo, y nos ta aki pa competi na e nivel di mas halto.
ARTBO ta extende su felicitacion cordial na tur e atletanan participante cu a demostra un sportividad y resiliencia remarcable. Nan dedicacion y trabao duro ta un inspiracion pa tur e atletanan hoben Arubano.
ARTBO tambe ta extende su felicitacion cordial na coach Teo Rodriguez pa su liderazgo excepcional y preparacion di e atletanan, tanto di Tiger Taekwondo Academy como di Estrella Taekwondo Center. Su guia durante henter e biahe aki a contribui significativamente na nan tremendo presentacion den e evento grandi aki.
Finalmente, nos ta aplaudi e delegacion completo cu a acompaña nos atletanan na US Open. Mayornan, asistentenan, y coachnan, boso sosten y apoyo inquebrantable a hunga un papel crucial den nan exito.
E experiencia di US Open aki tabata di nificasion pa Aruba Taekwondo. Nos ta increiblemente orguyoso di tur nos atletanan, coachnan, y sostenedornan. Nos ta wardando cu ansiedad pa construi riba e momentum aki y logra un exito ainda mas grandi den futuro.
Un pabien grandi na e atletanan hoben y cu curashi Arubano di Taekwondo cu a representa nos riba escenario internacional:
Nicole Tromp
Aleysha Macea
Dary-en Morel
Janoah Ridderstaat
Kaydion Kelkboom
Khaleesy Ridderstaat
Raimara Blanco
Masha pabien na cada un y tur! Boso spirito, dedicacion y perseverancia a haci Aruba orguyoso!
ARTBO ta keda comprometie su mes na fomenta y nutri e talento di nos atletanan hoben, dunandonan e poder pa logra nan soñonan y orguyese pa Aruba riba escenario internacional.
ARTBO, Mas fuerte hunto!
