156
E aña 2024 tabata formidabel un bes mas pa e seleccion Girls U15, e biaha aki den e torneo di CONCACAF cu pa prome biaha Aruba a haya e oportunidad pa host un torneo di e magnitud aki den futbol femenino. Mas cu claro esaki a trece extra presion cune ya cu nos damitanan desde 2021 ta prestando formidabel den tanto CFU como den CONCACAF logra titulonan di campeon y di dos lugar. Awo cu e torneo na Aruba a pone cu henter nos isla a biba cu nos muchanan. Mester bisa cu durante henter e torneo di Concacaf aki, nos seleccion tabata dominante y tabata falta e cherrie riba e bolo cual tabata e titulo di campeon, un titulo cu nos no tini ya cu a logra un di dos lugar na Tampa, Florida na 2022. Nos muchanan no a defrauda ya cu Aruba su Girls U15 a celebra nan di dos titulo den 3 aña, e biaha aki den un torneo mas grandi cu ta Concacaf. Aña pasa na 2023, e seleccion a keda na di dos lugar den e CFU na Antigua Barbuda y e biaha aki ta corona cu un titulo di campeon.
Asina aki e tornro a bay pa e seleccion Girls U15 na Aruba:
Aruba ta gana St Vincent and Grenadines 5 – 0
Aruba ta empata 2 – 2 contra di French Guyana
Aruba ta gana Dominica 7 – 0
Aruba ta gana Guyana 2 – 1
Final: Aruba ta gana Saint Lucia 2 – 1
Ta bon pa menciona aserca cu e hoben futbolista Zyana Rogers di Aruba a sali un di e anotadonan maximo di e torneo Concacaf Girls U15 Tournament cu 10 gol anota. Zyana Rogers a anota un total di 10 gol den e torneo aki cu 3 gol den wega number uno, 1 gol den wega number dos, 3 gol den wega number tres, 2 gol den wega number cuater y 1 gol den wega number cinco cual tabata e gran final. Rogers sin duda tabata un pieza clave den e exito di e seleccion Girls U15
Esaki tabata e GIRLS U15 nan prome titulo ever den CONCACAF
