1.1K
E warm up tournament di Aruba Baseball Federation lo start majan diamars cu 4 ekipo cu lo hunga pa e trofeo di campeon di 2023. E otro e 3 ekiponan lo hunga pero pa nan esaki lo bira un “Springtraining games”. E weganan lo ta for di 9 di april te cu e di tres siman di april pa ser exacto dia 21 awor manera por mira riba e schedule adhunto.
E federacion di baseball, ABF dirigi awor pa presidente recien eligi, Kevin James kier pa baseball lanta bek na Aruba y hunto cu su directiva lo traha duro pa esaki bira un realidad. A hinka un schedule amplio di e diferente weganan den otro y tambe un calender cu varios compromiso tanto local como internacional. Mas cu claro lo por tin cambio aki aya pero a yega ora pa baseball tin un continuacion mas largo sin cu tin estorbo cada bes unda campeonato ta para pa un tempo indefini. Riba e calendario di ABF por mira varios tornro y otro compromisonan, sigur esnan na Bahamas y USVI sin lubida e Kingdom Games contra Hulanda y e exitoso Pro-line baseball.
Majan diamars ya bo ta invita pa presencia e prome weganan di baseball. Pues nota e calander di bo ekipo faborito y yega den compania di famia, amigo y conocirnan pa apoya nos peloteronan. Mirando e exito di Pro-line Baseball nosntin sigur cu Kevin James lo haci un tremendo trabou cu federacion di baseball, ABF.
EXITO KEVIN.
