1.5K
Diabierna anochi, un total di 8 ekipo di softbol femenino a participa na e ceremonia di apertura di e campeonato di softbol femenino slow pitch, Woman Open Class Softball Tournament organisa pa S.V. Dragon Hitters. Persona encarga Francis Maduro di Dragon Hitters a splica cu e torneo a bira mas grandi di loke nan mes a spera cu prome 6 ekipo pa despues esaki bira 8 ekipo. E torneo lo tin un duracion di casi 3 luna unda den mitad di augustus lo hunga e final. Un total di 56 wega lo ser hunga riba diabierna y diasabra anochi cuminsando pa 7or di anochi cu dos wega cada dia.
Ekiponan participante na Dragon Hitters Queen, Mal Bat Angels, Warriors, Flenge Flenge SBT, Sweet Devils, Splash SBT, Eagles y SK Ladies.
Minister di Enseñansa y Deporte, sr. Endy Croes a pitcha e prome bala hunto cu e softbolistanan di Warriors y Dragon Hitters Queens cu a fungi como bateador y catcher.
Hopi exito na cada un di e ekiponan participante.