2.1K
Ddiasabra mainta e hoben Anthony Mendoza di 14 aña di edad a participa na e Aquathlon Escolar. Esaki tabata e prome biaha cu Anthony a participa na aquathlon. Anthony ta bishita scol Soeur Juliette.
Mescos cu e hoben Disjonrick, Anthony a nace cu cerebral palsy, un condicion cu a afecta y stroba e movemento y postura di e curpa desaroya den forma normal. Pesey e hoben Mendoza ta den rolstoel. Awe diasabra hunto cu Gerald Moreta y Brainer Lampe di Beyond Sports Limit Foundation Aruba cu ayudo di Vianney Coffie, e hoben Mendoza-Orozco tabata cla pa participa hunto cu 300 alumnonan di scol basico y avansa na e Aquathlon Escolar.
Un experiencia unico pa Anthony cu a wordo apoya di tur para na banda den compania di su tata cu un sonrisa grandi riba su cara.
Por a mira claramenta na e hoben su cara cu e tabata super feliz.
Danki Brainer, Gerald, Vianney y BSLFA.
