Diabierna ultimo organisacion Alpha Runners a presenta y bautiza su uniform nobo y di biaha a tuma e oportunidad pa presenta oficialmente nos Alpha Coaches.
Alpha Runners ta un organisacion pa promove y uni deporte di coremento pa un mihor condicion fisico, pa mantene muchanan, adulto y henter famia activo den bienestar di nan salud.
Bautismo uniform
Cu presencia di miembronan, mayornan, invitadonan y Board di Alpha Runners a realisa e acto di presentacion y bautismo di uniform. Madrina Louella Croes-Ras, co-fundadora di Alpha Runners, y padrino Jayrard Dirksen, representante di Jay’s Heavy Equipment, a bautiza oficialmente e uniform cu confetti di color. Nos a escohe confetti cu ta simboliza celebracion, alegria y goso pa cu e deporte di coremento, unda cu cada un atleta por sigui nan soño pa realisa esaki.
Alpha coaches
Despues a sigi cu presentacion di nos coaches pa Alpha Runners cu ta encarga cu trainingnan pa tur nos miembronan. E coaches nan pa Alpha Runners ta Anwar Faarup, Brainer Lampe y Gerald Moreta. Sigur nan no ta personanan desconosi den e mundo di e deporte di coremento y nos ta sumamente contento di tin Brainer y Gerald como parti di nos team.
Alpha Runners kier gradici tur mayornan, tur miembro pa e confianza y na tur persona cu di un manera of otro a yuda nos.
