Oranjestad – 2Fast4USports kier invita comunidad di Aruba pa bay apoya tur coredo riba diadomingo 27 di augustus pa e careda clasico di Boton na Santa Cruz.
Esaki ta lo bay ta e di dos biaha cu e team 2Fast4USports lo ta organisando e careda aki. Alabes kier recorda comunidad cu e careda aki tambe ta un pre-celebracion di e coach y lider di e team, cual ta Melvin Dabian. Melvin Dabian no ta un persona desconoci den mundo di deporte y principalmente atletismo/coremento unda e mes a representa Aruba na varios ocasion, a mira hopi deportista crese y ta coach diferente deportista den nan trayectoria deportivo.
E careda lo start na e veld di Olympic Ballpark na Maria Maai na Santa Cruz. Y lo pasa door di e cayanan di Jamanota, Maria Maai, San Fuego, Picaron, Wara Wara pa regresa bek na Boton. E bunita di e bario aki ta cu e ta un berdadero challenge pa cada coredo, ya cu e bario di Boton tin hopi cero, pero di mes manera tin un bunita bista di nos isla.
Na e Olympic Ballpark lo bay tin un bar bon surti pa no solamente e coredonan, pero tambe pa tur persona cu bay apoya, cada coredo cu a uni na e challenge aki.
E careda ta cuminsa pa 6:00 AM exacto. Ta bay tin Musica, Bar y cushina bon surti pa asina e coredonan y apoyo por yena di animo y energia.
Tambe lo tin un bunita medaya pa tur coredo cu ta participando. Esaki ta e bunita cas na Boton, unda cu den pasado hopi di su habitantenan tabata bin hunto.
2Fast4USports ta un team cu mas di 75 miembro. E ta un team relativamente nobo, pero ora cu ta participa den cualkier evento, nan sa di destaca. For di e momento cu e team a wordo inicia oficialmente, e team a crece no solamente den miembro pero tambe den participacion y “performance”, ademas e asociacion no solamente ta focus ariba coremento, pero un combinacion di deporte incluyendo deportenan multisport.
For di awor caba, 2Fast4Usports kier desea tur participante, tur clase di exito y tambe un grandi danki na tur e sponsornan, miembronan y voluntario.
Oympic Ballpark, Andina Ice, Compra N.V., Dunkin Donuts, Albo Aruba, Casa Haime, Aledda N.V., Boli-Jay, 2Fast4U Towing and Road Services, Koolbros Music, Volunteer Motor Unit, Red Cross Aruba, Aruba Industrial Service, Eagles 297.
