Riba diasabra 20 di mei 2023 e team di 2Fast4USports a bautisa nan uniform pa temporada di 2023. 2Fast4USports ta un team cu mas di 75 miembro. E ta un team relativamente nobo, pero ora cu ta participa den cualkier evento, nan sa di destaca. For di e momento cu e team a wordo inicia oficialmente, e team a crece no solamente den miembro pero tambe den participación y “performance”.E colornan scogi pa e uniform ta Royal Blue cu un toke di berde y riba dje e bandera di Aruba.
Royal Blue ta representa, nos lama rond di nos isla, pero tambe disciplina y confianza, cu coach Melvin ta brinda.
E berde ta representa nos naturalesa unda cu regularmente e team ta disfruta di dje ora di training.
Nos bandera tey pa recorda nos e oportunidad cu nos tin pa realisa e deporte aki riba nos isla.
E team ta wordo lidera bou di coach Melvin Dabian.
Melvin Dabian no ta un persona desconoci den mundo di deporte y principalmente atletismo/coremento unda e mes a representa Aruba na varios ocasion, a mira hopi deportista crese y ta coach diferente deportista den nan trayectoria deportivo. 2Fast4Usports ta un asociacion di deporte cu no solamente ta focus ariba coremento, pero un combinacion di deporte incluyendo deportenan multisport. Coach Melvin ta zorg pa cada miembro haya e atencion cu e ta rekeri, si ta pa core competitivamente of den recreacion pa keda den movecion.
2Fast4USports keir gradici tur su miembronan pa e confianza y sigur lo mira tur riba caya cu un bunita uniform
