Den un ambiente di ‘Total Green’ y masha ameno nos alumnonan di scol basico a forma parti di e prome edicion di e ‘1k Divi Links Cross ‘Country Run’. Ta trata aki di un evento na unda e alumnonan mester a cumpli cu un ‘standard’ pa por a forma parti di e Cross country aki. Mester menciona, cu e publico presente tabatin e oportunidad pa por a disfruta di un show di coremento presenta pa e alumnonan di scol basico. Siguientemente por presencia e resultadonan di cada categoria y tambe algun momento di e evento.
Un palabra di gradicimento ta bai na Divi Village Golf & Beach Resort, Subway Aruba, Bright Bakery y Andina Ice cu a duna nan sosten na e vision di ‘TUC’ pa por a organisa e evento aki. Tambe ta duna un palabra di gradicimento na e voluntarionan, atleta Gerald Moreta di ‘Viperstrong’ cu a guia un alumno di FAVI, mayornan, maestronan pa nan apoyo y 297 Sports cu a cubri ful e evento.
E siguiente evento segun e calendario di TUC, ta e ‘Arikok Relay’ (Team di 2 persona) pa un recorido di 6.5K cu ta ser categorisa como uno pisa. Esaki lo tuma lugar, diasabra 27 mei di 2023. Pa bo por forma parti di evento aki, bo mester ta fit y bon prepara. E inscripcion no ta un habri y no ta permiti mas cu 60 atleta !
Tur atleta, cu a forma parti di e ‘Trail Run Team Event’ cu a tuma lugar na luna di April, ta cumpli cu e exigencianan pa cu evento aki. Pa esnan cu ta interesa, diadomingo 14 mei di 2023 pa 7:00 a.m lo bai tin un dia di orientacion na Parke Nacional Arikok bou di guia di Coach Andy Gomes.
