Un bes mas e dos mihor ekiponan di futbol femenino a enfrenta otro den e gran final pero e biaha aki cu un un otro resultado final. E Lady Pumanan di Britannia cu pa hopi anja a domina e Open Klas den futbol femenino awe a cay venci contra di e rivalnan di semper esta RCA pa medio di penalti. Un wega cu e keda empata 1 – 1 na di 120 minuut unda e pena maximo mester a defini un campeon. Aki RCA tabata tin e rosea mas largo y ta gana esaki 5 – 3. E delantero Ellen de Jong ta anota e penalti ganador. Na final di e partido, Minister di Educacion y Deporte, sr. Endy Croes a haci entrega di e trofeo na RCA y Britannia.
Mester bisa cu despues di a cay venci den varios final contra di Britannia, porfin RCA a logra gana un titulo for di Britannia. Un duelo sigur bon bringa unda a reina un suspenso durante henter e wega sigur den e minuut nan final di e extra tempo caminda ambos ekipo tabata agota y cansa pero a keda bataya te final pa purba na hinka e gol ganador y claro no haya e gol encontra.
Un pabien na RCA y Britannia pa un tremendo final. Nos tin e entrega di premio mas potret di trofeo