Na tempo di Covid, un grupo di damas cu edad di 54 te 74 aña a forma un grupo pa hike tur weekend den naturalesa pa desfruta y enjoy e bunitesa di Aruba y alavez drecha nan pulmon y condicion. Nan yama The Walking Divas (Hiking Divas).
Tur siman, nan ta planea un ruta diferente, asina conoce y balora Aruba un tiki mas. Nan ta saca hopi portret, Facebook a post miles caba. Nan ta conversa, come snacks y ultimo tempo ta desayuna cu koffie. Hiking a bira un tradicion cu ta dunanan un boost mental y energia pa enfrenta e siman cu ta bini. Aruba ta asina bunita y nan ta disfruta di naturalesa, e flora, fauna, e holor fresco ku ta yena e aire despues di un yobida. Loke a cuminsa como un rutina pa salud a bira un grupo cu un amistad fuerte.
Na juli 2024, un noticia a cambia tur cos. Marcelle, un miembro di e grupo, a wordo diagnostica cu cancere stage 4. Su pianan a bira zwak y ela cuminsa usa dos palo pa balans. Pero e grupo a sigui cana cu ne. Nan a adapta e hikenan pe, cana menos distancia y respetando su tempo di cana y su energia. Nan a bay wak solo sali mainta y tin biaha ta just ta hunto ta suficiente y ta just dusfruta e paisahe.
Marcelle tabata tin un deseo grandi: pa bishita un biaha mas na su luga favorito den naturalesa. E casita di leña na Parke Arikok, un luga cu tin un area special cu un palo halto cu piedra rondona cu semper ta hopi peacefull. Pero e caminda pa yega tabata dificil. Tin trapi y subida fuerte cu no tabata posibel pa Marcelle.
Parke di Arikok a ayuda cu un otro ruta pa por yega. Pero cu ayudo di Beyond Sport Limit Foundation ela bira posibel di berdad! Brainer Lampe di e fundashon a ofrese pa fia un driewieler pa adulto. Ora nan a puntra, e no a duda niun momento pa duna su yudansa. Normalmente nan ta hasi deporte y pusha persona cu limitacion den e driewieler entre otro durante Marathon y ronde van Aruba. Algo cu the Walking Divas tin hopi respect pe. Y sa topa cu nan ora di caminata. Pesey a bin cu e idea….
Un Dia Inolvidabel
Ayera mainta, 6:30, nan a pone Marcelle mas comodo posibel den su ‘ferari’ nobo – e driewieler. Tres miembro di e grupo a pusha e driewieler full e caminda. E tabata un teamwork bunita, duro pero yen harimento.
Na e casita di leña, nan a desayuna a la grandi cu dushi koffie. Despues, bou e palo favorito di Marcelle, cu un bista precioso riba e casita, Marcelle a duna nan un session di meditacion. (E ta un oncologische yoga teacher di profesion) E meditacion tabata hopi relaxing y a trese paz y union pa tur.
Despues nan a bolbe bai na e hoofdgebouw di Parke Arikok, unda nan a haya un treat di ijscream, un sorpresa di Maria Petit, nan miembro di e grupo cu ta biba na Hulanda awor.
Marcelle a bay su cas hopi cansa pero felis, un actividad mas cu e por a scrap di su bucket list. E tabata un dia pa recarga su mes pa enfrenta e siguiente dianan.
E Lucha y E Speransa
Marcelle a laga sa cu pa tin cancer no ta facil. Pero si un persona no por sali mas na naturalesa, e ta bira mas dificil ainda pa enfrenta cu e malesa.
Marcelle ta keda ripiti na nos cu:
“Nos mester goza di tur cos chikito den bida y vooral ‘be in the now’.”
Walking Divas kier gradici cu un DANKI DANKI DANKI na Beyond Sport Limit Foundation cu a hasi esaki posibel. Un driewieler di deporte a haya full un otro rumbo ayera. Ela yuda Marcelle hasi topsport den e driewieler bayendo su lugar favorito y duna The Walking Divas un hike inolvidabel.
