338
Club di dam Arowak ta organiza diadomingo awor dia 23 di April un torneo di dam pa cualificación pa nos hobennan entre 10 y 19 anja.
E torneo ta wordo hunga den un solo grupo y lo start pa 2:00 di atardi y lo termina pa 6:00 di atardi.
Ganador di e torneo lo bai representa Aruba na Korsou den un torneo ABC como hungador hubenil den e weekend di 26 – 28 Mei venidero.
E torneo di cualificaion lo tuma lugar den nos propio clubhuis na Sun Plaza 401-L na Oranjestad. Esaki ta na e di 4 piso den e edificio di Sun Plaza. Ora sali for di lift, drenta den e porta na bo man robez. E ta e promer camber na bo man drechi. Nos ta start pa 2:00 di atardi y lo termina pa 6:00 di atardi.
Pa mas información, por tuma contacto telefónicamente na e siguiente number di cel.699-8245, 593-6817 of 594-5590
Ban prepara y competi pa mira ken ta bira e hoben cu lo representa Aruba den e próximo torneo ABC na Korsou.