The STEM Embassy ta un organisacion cu ta consisti di studiantenan y young professionals di
Aruba y Corsou den STEM (Ciencia, Technologia, Ingenieria, y Matematica). Nan meta ta, lanta
curiosidad y confianza den STEM riba tur e islanan ABC. The STEM Embassy ta conoci pa
organisa nan summer camp workshops “Ki’ Ta Bo STEM?”. E aña ki nan ta organisando nan
evento “Robotics Hackathon: Cant’i Lama Challenge”. E hackathon lo tuma lugar riba 22-25
y 27 di April na Aruba Marriott Resort & Stellaris Casino pa participante di 14 te cu 18 aña
di edad cu ta instribi na un scol secundario (EPB, MAVO, HAVO, VWO). E registracion ta costa
30 florin.
E tema di e hackathon ta “Cant’i Lama Challenge”, un evento interactivo inspira riba nos isla
unda e participantenan lo por discubri e mundo di technologia, programming, y ingenieria. E
hackathon ta un competencia di robotica di 5 dia. E prome 4 dia nan e participante nan lo sera
conoci cu coding, conceptonan di 3D printing y ciencia di material. E participantenan lo traha y
programma nan mesun robot cu nan lo huza den un competencia dia 27 di April, esaki ta habri
na publico.
E ganador di e hackathon lo tin e oportunidad di representa Team Aruba na “FIRST Global
Challenge”, un competencia International di Robotica na Panama.
FIRST Global ta un organisacion cu un mision simpel; promove Ciencia y Technolgia entre
hoben. Nan ta hasi esaki posibel organisando “FIRST Global Challenge” unda mas cu 191 pais
lo competi na un competencia olympico di robotica. Unda e hobenan mester diseña y programa
nan mesun robot. Na 2023 The STEM Embassy a crea e prome equipo Nacional di robotica cu a
representa Aruba na Singapore. Na 2024 e competencia a tuma lugar na Grecia.
Pa mas informacion por tuma contact na The STEM Embassy riba Facebook, Instagram of
www.thestemembassy.com.
