TEAMARU su ekipo di Triathlon a yega Panama2026

E tercer deporte pa haci su yegada na e IV Weganan Suramericano di Hubentud pa TEAMARU ta Triatlon. Pa e Weganan di Panama2026, e federacion di Aruba Triathlon Association y Comite Olimpico Arubano (COA) ta conta cu Jeon Fernandes y entrenador Albee Fernandes cu lo competi den Triatlon – Sprint dia 17 proximo.

     

Esaki lo ta e prome participacion na un di e Weganan den un ciclo Olimpico pa ambos, aunke nan ta conta cu experiencia internacional participando den varios evento den exterior. Por ta sigur cu Jeon y Albee ta bin bon prepara y nan ta cla pa bay “A OTRO NIVEL”. COA ta desea e duo di tata y yiu hopi exito na e Weganan Panama2026.