Stingray Swimming Team ta orguyoso di su atleta Ocean van Loon cu ta representando Aruba na e prestigioso IV Weganan Suramericano di Hubentud 2026

Como parti di Team Aruba di Comite Olimpico Arubano, Ocean van Loon ya a yega Panama hunto cu e prome grupo di landador di Aruba Aquatics Federation, unda nan a train y prepara pa competencia cu ta inicia diahuebs 16 di april.

Un atleta cu liderazgo y orguyo

Ocean van Loon no solamente ta bay competi, sino tambe el a wordo scogi como abanderado masculino di Team Aruba, hunto cu e otro landador; Xia Rodriguez. Esaki sigur ta un honor grandi pa nos di Stingray Swimming Team, ya cu Ocean ta representa su dedicacion, disciplina y impacto cu el tin como atleta y ehempel pa otro hoben.

Durante e Ceremonia di Inauguracion, Stingray Swimming Team a marca un momento special, unda Ocean a hiba bandera di Aruba cu orguyo dilanti di un publico internacional.

Cla pa e desafio

Na Panama, Ocean lo compiti den varios evento incluyendo:

50m, 100m y 200m Backstroke, 50m Freestyle, 50m y 200m Butterfly y 2 relay mixto.

Stingray Swimming Team tin total confianza cu Ocean lo sigui pone Aruba riba mapa internacional den landamento.

Team Aruba ta cla

E team di landamento di Aruba ta inclui talento hoben manera Eva-Marie Kock, Gabriella Hermans, Xia Rodriguez, Luis-Mario Arends, Jayrick Winterdal, hunto cu coach Tyrine de Kort.

Hunto nan ta representa Aruba cu un solo meta: duna nan maximo esfuerzo y yega “A OTRO NIVEL.”

Orguyo Stingray

Stingray Swimming Team ta desea Ocean y henter Team Aruba hopi exito y sigui pone Aruba den top den e mundo internacional di landamento.