Aruba Boxing Commission ta convivi e momentonan di tristeza cu fayecimento di nos ex Timekeeper y ex Bellman, sr. Gustavo Pablo mihor conoci como Tatata Pablo. Tatata tabata un amante di Boxeo Profesional cu a dedica hopi aña como ring-official den e famia di Aruba Boxing Commission. For di añanan ’70, Tatata a drenta como ring-official den nos organizacion y semper tabata disponibel y dispuesto pa cumpli cu su debernan. Cualkier curso of seminario cu tabata ser ofreci pa superacion den e ramo di ring-official Tatata tabata asisiti.
Nos por recurda cu hopi interés, Tatata Pablo a participa den e seminarionan ofreci pa e legendario Joe Cortez y tambe pa Benjy Esteves duna na 2012 y na 2013 respectivamente.
Aruba Boxing Commission lo recorda Tatata como un oficial di ring cu semper tabata dispuesto pa colabora y cu a ehecerse su tareanan debidamente.
Finalmente Aruba Boxing Commission y den nomber di henter e team di ring-officials, ta manda palabranan di profundo condolencia na famianan di Tatata y cu su restonan sosega nan paz.
