Seleccion Girls U14 un bes mas tabata formidabel cu un di dos lugar den e torneo Caribbean Football Union 2023

Despues di e titula como e campeonnan invicto sin haya un gol encontra na 2021,  nos damitanan a promove di Tier 2 pa Tier 1 den e liga Girls U14 di Caribbean Football Union. E torneo di CFU Girls U14 ta uno cu ta basa riba e desaroyo di e futbolista femenino y masculino den e area di Caribe.

 

E biaha aki den e Tier 1, e seleccion Girls U14 a cay den grupo B hunto cu Turks and Caicos y Cayman Island. E seleccion Girls U14 a hunga un total di 4 wega den e prome rond unda nan ta gana tur nan weganan sin haya un gol encontra. E scorenan tabata Aruba vs Turks and Caicos 3 – 0, Cayman Island vs Aruba 0 – 2, Aruba vs Cayman Islands 2 – 0 y Turks and Caicos vs Aruba 0 – 2.

 

Den e wega semi-final, Aruba Girls U14 a topa un weso duro den Trinidad and Tobago. Aki e wega ta termina 0 – 0 pero den e tiro di penalti, Aruba tabata tin e rosea mas largo y aki nos seleccion a gana cu e score final di 5 – 3.

 

Aruba Girls U14 ta yega nan di dos final tras di otro den un torneo di CFU cual pa nos futbol femenino ta un hecho historico. Den e gran final di Tier 1, Aruba ta enfrenta e mihor pais den e torneo cu ta Puerto Rico y aki nos seleccion Girls U14 ta perde nan prome wega den dos anja esaki cu e score final di 5 – 0. 

 

No obstante di e score final, mester bisa cu e logra aki den dos anja di tempo ta simplemente un muestra cu nos damitanan a dal un stap grandi den e bon direccion pa loke ta e desaroyo di e futbol di damas na Aruba. Mas cu claro e Academia di futbol di AVB tin un granito mayor den esaki sin lubida e clubnan di futbol mes unda mayoria di e mucha muhernan aki a lanta den team di mucha homber hungando sam sam cu nan. All by all nos mester bisa cu nos tin futuro pa loke ta e futbol femenino na Aruba ya cu un gran parti di nos hungadornan di por ehempel 2021 ya ta forma parti di e seleccion mayor di Aruba anto den un edad relativamente jong. 

 

Un bunita momento sin duda ta e ultimo penalti esun ganador di Zyana Rogers den e semi-final contra di Trinidad and Tobago cu a duna hopi KIPPENVEL. E gol ey a manda Aruba den final. Mira e alegria y lagrimanan.

 

Un pabien na nos seleccion Girls U14