1.5K
E confederacion di futbol di Caribe, Caribbean Football Union lo organisa e torneo di futbol, 2023 Girls’ U-14 Challenge Series na e isla caribense Antigua and Barbuda. E torneo lo ta e dianan 18 pa 28 di augustus benidero.
Mas cu claro nos seleccion Girls U14 tambe lo forma parti di e torneo aki ya cu dos aña pasa na 2021 nos damitanan a corona nan mes como e campeonnan invicto di e torneo CFU Girls U14 na Republica Dominicana. Mester bisa cu door di e titulo di campeon Aruba a promove pa e Tier 1 den CFU cual ta esun mas halto. E aña aki, seleccion di Aruba Girls U14 lo ta den Tier 1 den grupo B hunto cu Cayman Island y Turks and Caicos. Seleccion ta consisti di 18 hungador cu desde october 2022 ta den preparacion pa e torneo aki. Aruba lo lo hunga prome dos wega contra Cayman Island y Turks and Caicos. E mihor di e poule aki lo bai semi final y e final lo contra Tier 1 Group A cu ta consisti di e paisnan Trinidad and Tobago, Puerto Rico y Jamaica.
Aruba Girls u14 ta hunga nan prome wega dia 18 di augustus contra di Cayman Island mientras pa su majan 19 di augustus Aruba lo enfrenta Turks and Caicos.
Nos damitanan di Girls u14 ta cla pa duna bataya y saca cara di nos dushi isla. e Seleccion Girls u14 lo ta saliendo 17 Augustus pa 3:30 dia atardi rumbo Antigua Barbuda
E nombernan di nos seleccion por mira adhunto cu e potretnan di nos seleccion.
TUMA NOTA: Na momento di saca e seleccion no tur hungador tabata presente. Y nos a pone un potret apart di seleccionado Loredana Neppi
