Awe diamars atardi pa 4.35 nos seleccion Girls U14 lo mira accion un bes mas den e torneo CFU Girls U14 Challenge series cu ta tumendo lugar na e isla di Antigua. Aruba lo enfrenta un bes mas Cayman Island. Mester bisa cu ta dos rond ta hunga den e poule aki.
Aruba ta buscando nan clasificacion como e number 1 den poule B mirando cu ya caba nos damitanan a sa na triunfa cu dos wega contra di Cayman Island y Turks and Caicos. Aruba a anota te cu awor aki 5 gol den e campeonato y no a ricibi ningun gol encontra. E cinco golnan anota a bini di pia di nos dos delnateronan Zyana Rogers cu 3 gol y Sharrienne Vrolijk cu 2 gol.
Diadomingo Aruba a gana Cayman Island 2 – 0 den un wega cu hopi awacero. Nos damitanan ta haciendo un tremendo papel den Tier1 cual ta e nivel di mas halto. CFU su torneo Girls U14 ta basa riba e desaroyo di e nivel di e futbolista unda tur hungador mester por haya e oportunidad di hunga tanto minuut durante henter e torneo. Te cu awor nos staf tecnico encabesa pa Joally Lake ta guiando nos damitanan den gran forma.
Un palabra di exito na nos seleccion Girls U14.
Potret cortesia AVB