1.2K
Dialuna atardi, e seleccion di futbol femenino a viaha pa e pais di Belize unda nan lo ta hungando un wega di clasificacion pa loke ta e CONCACAF Women’s Gold Cup, un torneo cu pa prome biaha ta wordo organisa pa CONCACAF. Aruba ta hiba un total di 20 seleccionado pa e dos weganan di clasificacion. Ambos wega lo ta den exterior unda dia 21 di september 21, Aruba lo ta na Belize mientras dia 25 di september Aruba lo ta na Turks and Caicos. E seleccion femenino lo competi den Liga C pa loke ta e Women Gold Cup cu lo conta cu un participacion di 35 pais.
E staff cu lo guia seleccion femenino den nan prome encuentro ta consist di Team Manager: Charmaine Boekhoudt, Head Coach: Veron Albertsz, Asst. Coach: Jimena Borja, GK Coach: Geo Pantophlet, Kit officer: Truda Geerman, Team Dr: Viviana Bustos y Masagista: Francis Maduro.
