Roga Innate Foundation a uni cu Bestialpa Ronde van Aruba 2023

Roga Innate Foundation, un fundacion di chiropractico Dr. Sandy Roga cu tin como meta
pa aporta na deporte, salud di atleta y persona cu ta haci movecion y conscientisa
comunidad cu nos salud ta den nos man.

Roga Innate Foundation a haci su debut aña pasa den Ronde van Aruba cu “Innate Duo
Runners”, representa pa Gregory Geerman y Yessyray Lopez.
Duo Innate Runners a logra e meta di core 72 km den 5:59:39 y a sali prome luga den e
categoria di Duo Mix.

Bestial cu a invita, William Diaz 4 aña pasa pa core hunto cu Camilo den nan team. Awe
lo ta di 4 biaha cu lo trata di conkista e prome lugar. Bestial sigur no ta un team
desconosi cu semper ta riba podium y ta bataya fuertemente riba caminda. Ronde ta e
motibo principal cu awe Team Pegasus ta na Aruba. Aña pasa henter pueblo por a gosa
di un bataya cu a pone tur mirones paralisa. Historia lo ripiti su mes?

E aña aki Roga Innate Foundation a haya e oportunidad pa conhuntamente cu Bestial pa
ta parti di un elite estafette B team di categoria 121 – 160. E team “Innate Runners” ta
consisti di William Diaz, Camilo Lopez, Gregory Geerman y Rigoberto van der Linden.

Tur ta atletanan di team Pegasus y ta wordo entrena pa William Diaz.
Diabierna 12 di Mei, 2023 Innate Runners, start nummer #205 lo sali 11:59 pm for di
MSK pa bataya riba e ruta di 72 km den un tempo di 4 ora y 35 minute.

Roga Innate Foundation y Bestial ta sumamente orguyoso di por ta parti di Innate
Runners y ta desea e team completo tur clase di exito pa Ronde van Aruba 2023.