IBISA Running Kids Run 2026 ta oficialmente “Sold Out” cu 750 mucha inscribi Jessica KrozendijkJune 8, 20260590 views E comite organisado di e “Kids Run” tin e inmenso placer y orguyo di anuncia cu e careda tan spera di e aña aki ta completamente “sold out”. E evento lo conta cu un participacion maximo y un record di 750 participante cu lo forma parti di e gran dia deportivo aki. E interes y entusiasmo pa e Kids Run tabata masivo for di e prome momento cu a anuncia eevento. E proceso di inscripcion a cana den dos fase exitoso:● Fase pa Scolnan: Inscripcion a habri inicialmente pa tur nos scolnan dia 25 di mei, dunando nos studiantenan e prome oportunidad pa sigura nan luga. E fase aki a cera dia 29 di mei cu un tremendo reaccion di parti di e maestronan y alumnonan.● Fase pa Publico General: Dia 1 di juni, inscripcion a habri oficialmente pa e publico general. Den un tempo hopi cortico, e cupo restante a keda yen caminda cu a yega e limite maximo di 750 mucha inscribi. Nos kier a tuma e oportunidad aki pa gradici tur e scolnan, mayornan, y specialmente emuchanan pa e sosten inmenso y e reaccion fantastico. E echo cu e Kids Run a “sold out”asina lihe ta un bunita demostracion di e compromiso cu tin den nos comunidad pa promovesalud, movecion, y un bida activo bou di nos muchanan.E evento aki ta tuma lugar dia 20 di juni na stadion G.P. Trinidad na Dakota, celebrando asinatambe e dia di “Olympic Day Celebration”.Paketenan ta bay wordo entrega na scolnan dia 15 pa 17 di juni venidero.Na e momentonan aki, nos ta trahando duro riba e ultimo detayenan pa percura cu e dia di ecareda ta un experiencia inolvidabel yen di energia, pret, y siguridad pa tur nos chikitinan.Pa keda na altura, por sigui nos pagina of keda pendiente pa nos proximo comunicado diprensa.