Diadomingo 19 april 2015 a cuminsa manera tur otro dia sin sa cu e dia ki lo cambia ful mi bida I di mi famia. Mi a sali trempan for di mi cas pa instala un paar di signs(borchi di propaganda). Na final di dia mi jega cas cu un borchi pa cambia su sticker pa un nobo. Una bez trahando mi a ripara cu loke mi kier hasi no ta bai cu mi man robez, e no ta move y mi a cuminsa kentel riba e mesa caminda mi tabata haci e trabou. Mi a bisa mi yui pa e jama su mama mi tabata sa cu tin algo cu no bon ta pasando. E mama a bin y mi a tende bisa pone bo tata den auto pa ban hospital paso bo tata ta hayando un ataka. Esey mi a tende y nos a bai den auto. Un rato di ora ela bula bai hospital unda nan a pone mi riba e cama. Ora mi a haya mi resultado a resulta cumi a haya un ischemic stroke/blood clot. Dokternan a pone mi riba cama cu remedi pa los op e blood clot y nan a pone riba cama pami sosega.
