Pa medio di e comunicado aki e Coach di Taekwondo Team Aruba kier a informa lo siguiente. Monica Pimentel mester a tuma e dificil desishon pa pa pone un fin na e projecto “Taekwondo Team Aruba”.
Den luna di Mei 2022 Impact Taekwondo hunto cu Brasil Taekwondo a crea e grupo
“ Taekwondo Team Aruba” cu lo a wordo guia door di Monica Pimentel cu e objetivo di representa Aruba internacionalmente.
Mi persona a dedica hopi di su tempo voluntariamente y ta dificil pa balansa trabou & bida personal cu e exigencia di un grupo di rendimiento internacional. E ta rekeri di 15+ hr pa siman unda mester cumpli cu diferente actividadnan pa hiba e Team dilanti.
E motibo nan principal pa e desishon aki tin de haber cu mi trabou, e workload di Taekwondo Team Aruba ta pone cu mi ta laga otro trabou nan un banda of no por tuma oportunidadnan pa crese den mi Carera Personal di trabou.
Mi a haja hopi bon experencia y a disfruta guiando e Team di Atletanan, cu hopi tristeza lamentablemente e desishon aki mestera wordo tuma. Mi ta desea e Atletanan cu a forma parti di “ Taekwondo Team Aruba” hopi exito den nan Carrera Deportivo.
Monica Pimentel lo sigi manera dirigente di Impact Taekwondo unda su vision ta pa sigi crese su skol di taekwondo y lo sigi traja cu Aruba Taekwondo Bond. Tambe nos kier a bisa danki na tur esnan cu a aporta y apoya Taekwondo Team Aruba.