Metafit wlWalk and Run 2024 a kibra tur expectativa

Diahuebs merdia te cu anochi, un aglomercacion di fiel canador y coredor a buaca na  goodies na Gloria pa asina nan sigura nan participacion den e grandioso Metafit Walk and Run 2024. Dia 30 di juni proximo, alrededor di 2500 persona lo cana y core den e area di Palm Beach y becindario. Mester bisa cu den oranan di merdia tabata tin un asistencia masal na Gloria cu hendenan para den rij na Gloria Aruba pa wordo yuda y asisti pa e grupo grandi di boluntarionan di Metafit 2024. Den oranan di atardi pa anochi tambe tabata tin un bon asistencia, aunke a spera mucho mas hende.

A reina un bon ambiente na Gloria unda e conocido Dj John Patrick Nuboer a entretene tur presente cu su dushi musica. Nos a bin compronde for di e organisadornan cu a registra riba 2500 persona pa ser exacto 2510, cual a haci e evento di Metafit Walk and Run surpasa e cantidad mas grandi registra na Aruba pa un di cana y core.