Mario Maduro, un MetaFitter cu ta consistente, disciplina, dedica, y mas importante cu tur, inspira!

Nos committee tin e honor y sigur e placer di dedica e 10KM y Bib #10 di MetaFit 2024 na meneer Mario Maduro. Mario ta un persona cu aña tras aña ta briya cu su presencia na training como tanto na e gran final. Desde e prome evento di MetaFit na aña 2010, Mario nunca a keda afo. Tur aña nos ta ward’e ansiosamente ora inscripcion habri y ta ricibi’e cu hopi amor y cariño.

E distancia di 10KM ta Mario su “cookie” manera nos ta bisa, y sin ningun duda e ta inspira tur hende cu mir’e riba caminda. Sea cu bo ta participando y mir’e pasabo riba un speed, of bo ta un sideliner ta apoya, Mario ta laga un tremendo impacto cu cada stap cu e dal.

Merecidamente e 10KM y Bib #10 ta bai dedica na Mario, como un participante consistente, disciplina, dedica, y cu ta inspira!