Sr Reginaldo Curiel ta un coredo cu a cuminsa practica e deporte di coremento den anja nan ’80 te cu anja 2014, a core diferente careda nan grandi manera Betico Run, Turibana Run, Half marathon, Boulevard Loop, careda di Concorde, careda di Esso, a participa na caredanan international manera Fatum Loop, Schottegat Loop, a participa den Triathlon na Bonaire. Pues un coredo cu a stima, dedica y practica e deporte di coremento, cual a bay cu premio nan tambe den tur e careda nan clasico menciona.
Banda di esaki, ela practica deporte di boxing y tabatin su mesun club di boxeo “The boss boxing club” pa duna training na muchanan. A competi tambe den boxing international.
Durante e Santa’s Fitmas run/walk, un rato prome cu e start, den presencia di su señora y yuinan a duna un homenahe den forma di plakaat na Sr Curiel pa asina dune honor y aprecio pa su dedication na tur e aña nan na e deporte di coremento, esaki obsequia door di coredornan Shariska Winterdal y Maximo (Maikel) Maduro.
Un gradicimento ta bay na Rodymar Geerman organisador di e Santa Fitmas run pa duna e oportunidad pa haci e homenahe aki prome cu e evento.
