Gihae Gymnastics Grandi durante National Artistic Gymnastics Competition 2024

“Where Champions are made, Succes stories are written and Athletes become legendary”.

Gihae Gymnastics un biaha mas tabata grandi durante e competencia di National Artistic Gymnastics Competition organisa pa Federacion Gimnastico Arubano durante e weekend tras di lomba.

   

Un biaha mas Gihae a demostra cu Determinacion, Dedicacion, Perseverancia & Disciplina ta key factors den e deporte di Gimnasia. Den un competencia caminda riba 125 gymnasta a participa tanto di Aruba como tambe di Curacao, Gihae Gymnastics a sa di gana e titulo maximo di e nivelnan:

1st Place Pre-Level C
1st Place Level 2
1st Place Level 3
1st Place Level 4

Esaki sigur ta hasi nos como club inmensamente orguyoso cu e resultado y esaki sigur no lo tabata posibel sin e support y dedicacion di Entrenadornan Jimmy, Himilce, Daniela y Aleiny, Staff Tecnico & Voluntarionan cu ta traha incansabelmente pa prepara nos gimnastanan pa e competencia conhuntamente cu mayornan cu ta forma e FAMIA di Gihae.

       

Nan guia, motivacion y apoyo sigur ta cardinal pa asina yuda nos gimnastanan alcanza nan potencial maximo.

E compromiso di Gihae Gymanstics ta pa sigui desarolla y forma gymnastanan di un caliber y nivel halto y asina yuda promove y engrandece e deporte di Gimnasia na Aruba.

Un Pabien grandi ta bai na Federacion Gimnastico Arubando cu nan tremendo trabou di e 2do Competencia Nacional di Gimnasia Artistica

Related posts

TEAMARU su ekipo di Gimnasia Artistica a resalta durante Panama2026

Prome entrenamento pa TEAMARU su ekipo di gimnasia ta un realidad

TEAMARU su ekipo di gimnasia a yega PANAMA2026