Copa Don Elias Mansur lo ta bek na RCA

Diaranson atardi durante e press conference di RCA, Milly Henriquez a anuncia cu e Copa Don Elias Mansur lo ta bek na RCA. E fechanan ya ta defini y lo ta di 4 di juli pa 14 di juli proximo. E Copa Don Elias semper a fungi como un torneo di pre-campeonato pa tur e ekiponan cu ta participa na esaki. Sin duda un bon preparacion pa purba hungadornan nobato of di otro division hunga den bo ekipo.

E premionan di Copa Don Elias Mansur ta grandi un bes mas y lo ta efectivo. Mester bisa cu lo tin dos poule A y B di 4 ekipo cada uno. Mester corda cu ta aplika reglanan di Oficial di AVB.

E loting pa cu e Copa Don Elias Mansur 2024 lo ta diabierna 28 di juni pa 8or di anochi na Club di RCA na Solito.

Interesadonan por manda E-mail na RCA@AVBARUBA.com