967
Recientemente e ex-pelotero profesional, Randolph Oduber a biaha pa Suiza pa asina acudi na oficina principal di WBSC pa e excecutive board meeting como representante di atleta. Durante e reunion aki a repasa e torneonan di e calendario 2023 y tambe pasa door di e schedule pa e temporada 2024. Baseball y softball ta bek den Weganan Olimpico 2028. Esaki tabata un di e temanan principal durante e meeting. Mester bisa cu e diferente preparacionnan ya caba a cuminsa pa e weganan di Los Angeles 2028.
Tambe a wordo papia over di Baseball5 unda cu e deporta aki tambe ta birando grandi dia pa dia. Baseball5 ta poni riba schedule pa ta den e next Youth Olympic Games na Dakar.
Durante su estadia na Suiza, Randolph a bishita e Olympic House y e Olympic Museum. Ta bon pa bisa aserca cu Randolph a encontra cu secretaria general di COA y Vice-presidente di IOC, sra. Nicole Hoeverts cu tambe tabata riba mesun buelo rumbo Suiza y a topa otro na e oficina principal di Comite Olimpico Internacional na Lausanne.
Sigur un bunita momento pa mira dos representante di un isla asina chikito manera Aruba cu apenas 120 mil habitante encontra cu otro na e oficina principal di e deporte mundial. Nos mester sinti nos mes orguyoso di nos dirigentenan cu ta pone e nomber di Aruba briya mundialmente
