Eric Gomez New Year’s resolution 5.5K Walk & Run tabata grandisimo

Recientemente nos tabata presente pa cubri e evento di walk and run dedica na Eric Gomez y organisa pa Thrill Walkers S.V.. Mester bisa cu e acohida tabata grandisimo unda varios amante di cana y core a acudi na tereno di Sportboys pa asina cuminsa pone e curpa bek den bon condicion. Entre e canado y coredornan por a mira algun ekiponan di futbol, gruponan di cana y core, docentenan di scol, grupo di famia, amigo y/of coleganan di trabou.

Un pabien na Thrill Walkers cu nan evento cu ya pa varios anja caba ta existi. Awor tur hende lo cuminsa prepara pa otro siman diasabra awor 14 di januari pa e grandioso Urataka Run.