Dojo Budokan Aruba di organizacion Inoue-Ha Internacional a regresa Aruba despues di un bon presentacion

Logronan na e campionato na Barranquilla, Colombia pa e competencia “ La Liga de Karate-Do del Atlantico” y tambe despues di asisti na seminarionan pa expande conocemento y perfeciona desplegue di e deporte karate den kata y combate kumite.

 

E entrenamento adicional di alto rendimento tawata den man di Sensei Daniel Huerfano di organizacion Inoue-Ha Venezuela.

E grupo a logra conkista e 3er lugar overall, cu mayoria medaya a logra den e competencia aki. E atletanan a competi den Team Kata y tambe individual Kata y Kumite. 

 

E lista di atletana ta di meciona; Lya Izabella Lucio, Ruben Calderon Paredes,  Leandro Calderon Paredes, Sofia Calderon Paredes, Jhosli Forero Largo, Benneth Lucio, Yesly Gabriela Munoz, Aldrich Montenegro Aramburo, Aaron Jimenez Rojas, Zac Zeng, Bryan Maduro, Zayid Lucio y Madison Williams. Tur e atletanan a logra titulonan den kata y/of kumite. Ademas, Inoue-Ha a logra un medalla de Oro den team kata y 2 de bronce den team kata.

 

E atletanan di karate a competi riba dia 7 y 8 october, 2023.  Sensei Eduardo Macias a keda sumamente satisfecho cu e resultadonan. E bandera di Aruba a keda representa. Aki por wak e regreso di algun di e atletana di cual alguna  yega caba dialuna.

 

Dojo Budokan ta gradici Ministerio di Deporte, RM Detailing, Carwash na Santa Cruz, Consul di Colombia y Marriott Hotels Aruba pa nan colaboracion y eternamente agradeci na tur e mayornan cu a sostene y apoya na yuinan den e deporte di Karate.