Cu nan “Skeleton Crew,” un grupo entusiastma pero chikito, nan a drenta e tereno di bataya pa enfrenta un reto hopi grandi. Bataya contra equiponan grandi y bon equipa cu un Pit crew grandi.
Durante e dia di diasabra, nan a sali cu energia i determinashon pa gana. A hunga un total di 25 wega. Tiro tras tiro, nan a demonstra nan habilidat, coordinashon i strategia, luchando pa kada punto cu nan a gana. Na final di dia Aruba Madness a termina na di 3 lugar den division 3 y a carga e nomber di Aruba den laira.
Diadomingo e pasion a sigui flama bou di nan, mesora nan a enfrenta e reto adishonal di hunga 20 wega mas. E hungandonan Americano a keda babuca di a mira Aruba Madness subi veld e siguiente dia. Apesar di e cansansio di e dia anterior nan a demostra un forsa colosal. Nan a disiplina nan mes i a demostra con nan por traha hunto como un unidad. Despues di un bataya di 20 wega Aruba Madness a sali na di 8 lugar pa division 4.
“Aruba Madness” no solamente a bini na e torneo pa hunga, nan a laga un impakto duradero. Nan a demostra ku e tamaño di e ekipo no ta defini nan potencial. Den e tereno di paintball, nan a lucha cu pasion, a traha duro, i a lanta e bandera di Aruba cu orguyo. Un relato inolvidabel di determinashon, cooperashon i bunita memoria di e aventura den North Carolina.
Aruba Madness ta invita henter pueblo di Aruba pa bin wak e deporte di Paintball na Parkietenbos tur diadomingo.
