No obstante e solo cayente, nos futbolistanan mas chikito di U5 no ta laga esaki stroba nan di gosa di un momento unico awe diasabra na e clausura di e temporada di nan futbol. Nos a presencia hopi apoyo di parti mayor y famianan sin lubida e coach y dirigentenan di club cu a bin duna guia na e mas chikitonan.
E muchanan a hasi nan maximo esfuerso pa ehecuta loke nan a sinja na cada entrenamento y sin lubida e parti mas imporante gosa di cada momento di e futbol hunto cu nan amigito of amigitanan. Cada uno a haya hopi elogio di tur presente pa nan tremendo presentacion henter anja.
Na final, miembronan di e federacion di futbol hunto cu Minister di Deporte, sr. Endy Croes a haci entrega di e medayanan na tur e futbolistanan di U5 hunto cu e coachnan cu a participa na e campeonato aki.
Nos di 297sports como e unico media cu henter anja a cubri futbol U5 y U7 kier a manda un palabra di pabien na tur e ekiponan participando na e campeonato aki.
