Den un sala di I-Max na Gloria Aruba completamente yen, e motivador y inspirador Maickel Melamed a mustra Aruba su documentario “El reto más extremo de nuestras vidas, “RÁPEL SALTÓ ÁNGEL” 1000 metros”. Mc Geraldine Buckley a introduci Maickel na e publico presente mientras nos atleta para-limpico Elliott Loonstra tabata serca di Maickel.
Sin duda e documentario aki a mishi curason di hopi pa mira un persona cu a nace cu condición di curpa yama hipotonia caminda dokternan a dune 7 dia so di bida. Mirando cu Maickel semper a biba cu e palabranan di su mayornan “nunca no bisa cu bo no por”, e la enfrenta e reto di subi/baha Pico Bolivar(esun mas halto na mundo) na su pais natal Venezuela hunto cu un grupo di explorador. Den e documentario por a mira cu a encontra hopi obstaculo pero Maickel y su grupo sin miedo a sa na sobrevivi y surpasa tur esakinan y finalisa otro hazana exitoso.
Na final a haci diferente pregunta y cada uno di nan Maickel a contesta a base di su filosofia di bida, uno super positivo, sin miedo y cu tur hende por haci algo extra den bida si nan mes kier esey y claro cu ayudo di esnan rond dibo. Manera Maickel a bisa una bes bo supera e miedo, tur cos bo por haci. Pa finalisa colega Brian Koolman a realisa un entrevista cu Maickel Melamed riba e dia di awe na Aruba.
Mas cu claro hopi a probecha di saca potret cu Maickel Melamed prome y despues di e presentacion.
