Oranjestad: Cu sosten y apoyo di S.E. Minister di Enseñansa y Deporte sr. Endy Croes,
Stichting Sportsubsidie Aruba y Lotto pa Deporte e Teamnan Nacional di Beach Volleyball
di Aruba a sali pa Santo Domingo unda nan lo bay competi den “U-23 Beach Volleyball y den
e “Final Beach circuito di NORCECA 2023”.
Paisnan cu ta den e competencia aki ta Republica Dominicana, Canada, Cuba, Costa Rica, USA,
Bermuda, St. Kitts & Nevis, Nicaragua, El Salvador, Anguilla, St. Vincent & Grenadines.
E diciplina di e deporte di beach volleyball ta hopi importante, tanto pa e atletanan y Aruba
pasobra door di competi na e torneonan aki, Aruba lo acumula “ranking points”.
Cu e points nan aki Aruba ta sigura continuacion pa por sigi competi na 2024.
Na e torneo aki ta competi atletanan Gregory de La Cruz, Joshua Hoepelman, Vladimir
Solovey, Thelion Coutinho. Entrenador ta Elmerlindo Robles de Medina. Bou guia di e
entrenador, e atletanan a entrena cu hopi dedicacion y determinacion. Pa e desaroyo di e
atletanan aki competencianan internacional ta un oportunidad unico y un necesidad
pasobra door di e competencianan aki e atletanan por sigi desaroyo pa un nivel mucha mas
halto den beach volleyball.
Aruba Volleyball Association y tur su miembronan ta desea e atletanan tur clase di exito.