Arubaanse Voetbalbond, AVB tin eleccion awe dialuna pa 4 puesto den directiva

Awe dialuna lo ta un dia importante pa e federacion di futbol Arubano, AVB mirando cu lo tin eleccion pa 4 puesto den e  bestuur. No ta mucho cla riba cua funcion por wordo vota paso no a haya e informacion aki for di e federacion di futbol. Tambe kendenan ta e posibel candidatonan cu lo kier postula nan mes pa drenta e directiva di AVB. 

 

Siman pasa ainda nos a asisti na un anochi di informacion unda 4 persona trahando y colaborando cu e futbol local lo kier drenta hunto pa forma parti di e bestuur nobo. E 4 personanan aki Devin de Veer, Raymbert Bikker, Gilmar Croes y Jomar Boekhoudt a sinta e miembro di e clubnan di futbol unda a conta nan di nan idea y plan y mas cu claro intercambia con pa hunto por mehora e futbol na Aruba. Nos no sa di na banda di e 4 personanan aki lo tin mas interesado pa drente e bestuur di AVB.

 

Awendia FIFA y Concacaf ta pone hopi enfasis riba un mihor comunicacion y entendimiento entre clubnan y e federacion madre, cual na Aruba ta haci falta awor aki. 

 

Awenochi e miembronan di e clubnan di futbol tin un tarea importante pa asina dicidi di e rumbo y futuro di nos futbol local. E reunion general lo ta 7or di anochi na Colegio EPI

 

Hopi exito na tur cu a postula nan mes pa yuda y engrandese e futbol di Aruba.

 

Update eleccion AVB: Directiva ta 1 president y 6 miembro di directiva ta forma 7 persona.
Randolf Lacle como presidente y Geeta Khemlani como vice-presidente y e restante di 5 persona como comisario. Awor pa 4 puesto di comisario por wordo vota na e eleccion di AVB awe 24 di juli.