Ultimate Taekwondo Cup 2025

Diasabra Brazil Taekwondo Stichting a organisa e ultimo campeonato Ultimate Taekwondo Cup prome cu Best of the Best 2025. Despues di 3 aña Brazil Taekwondo Stichting a logra gana e copa di Best Team.

     

Ultimate Taekwondo Cup tabata un campeonato cu e participantenan a mustra Taekwondo na un otro nivel y a bringa cu hopi tecnica pa nan clasifica pa Best of the Best 2025.

Best of the Best 2025 ta bay conta cu 12 Pais Internacional y a haci cu den tur tres campeonato cu Brazil Taekwondo Stichting a organisa, e atletanan a mustra Taekwondo na un nivel halto. Hopi atleta cu no sa haña e oportunidad pa biaha Internacional pa bringa, lo haña e oportunidad di bringa contra contrincantenan Internacional aki na Aruba den Best of the Best 2025.

   

Brazil Taekwondo Stichting ta felicita su Team y Coach Master Jourdé Klaber pa nan logro di Best Team. Brazil Taekwondo Stichting ta gradici tur miembro di Brazil Taekwondo Stichting pa nan aporte na Ultimate Taekwondo Cup 2025.

Related posts

Island Brothers Jiu-Jitsu Aruba ta bolbe cas cu nuebe medaya diMedellín Pro 8

Resumen di e atletanan di Taekwondo Team Aruba na Daytona

ARTBO ta celebra Campeonato Nacional di Taekwondo “Yuwana” cu gran exito den cuadro di ASU Olimpiada