TYR Giants Open 2023 ta cla pa start sali!

Bin experiencia un campeonato di natacion prome den su estilo na Aruba
Ta cu sumo orguyo Giants Aquatics lo tene su prome campeonato di natacion TYR
Giants Open, cu lo ta prome den su estilo pa Aruba, riba nivel internacional. Ta trata di
un campeonato pa cual e landado riba 10 aña mester tin tempo di cualificacion pa por
participa. E competencia ta conta cu pre-eliminatorio (prelims) mainta, pa cual e atleta
por cualifica pa bay final anochi. TYR Giants Open ta conta cu oficialnan di Merca, El
Salvador y Curacao, cu lo t’ey specialmente pa e evento aki.
Giants Aquatics ta extende un gradicimento enorme na e siguiente sponsornan cu ta
kere den e vision di Giants y ta sostene e evento TYR Giants Open 2023:
Aruba Bank, SETAR, ABC Tours, Tostaoo, Giannis group, Signs 365, Berg’s Ice,
Wernet Solar Systems, Gold Coast, Xatech, XL care rental, Aruba Aloe, Hyatt Regency,
Ernst & Young, Caribbean Infrastructure Company, Basari/Print it, Subway, Romar
trading, ATA y ministerio di turismo Aruba.
Nos ta extende un invitacion cordial na bo persona pa asisti na e evento aki cu lo tuma
lugar e dianan 28 di september (anochi), 29,30 di september y 1 di october 2023
(mainta y anochi). E orarionan di parti mainta ta: 10.00am-12.00pm y parti atardi/anochi
ta 6.00-9.00pm.
Entrada ta 2 florin pa persona cu ta duna e oportunidad di gana buffet Breakfast pa dos
na Palms restaurant of dinner pa 2 na Ruinas del Mar restaurant 
Bin sostene nos landadonan y experiencia un campeonato di nivel!