Tokon Dojo Kyokushin y Team IFK Aruba cla pa “United States InternationalKyokushin Championships 2025” na Atlantic City

Despues di un tremendo presentacion na 2024 cu 6 atleta y unda a sa di trece back un 1st place, un 2nd place, un 3rd place y diferente otro medaya, logrando asina pa rank Aruba den e top 10 entre mas di 50 Dojo for di rond mundo, Tokon Dojo Kyokushin Aruba y e Team IFK Aruba un biaha mas ta cla pa e torneo di Kyokushin Karate mas grandi na Norte America. E torneo lo tuma lugar dia 1 di februari 2025 na Tropicana Hotel & Casino na Atlantic City, New Jersey.

 

Despues di lunas di preparacion intensivo y fundraising, tur cos ta cla pa un biaha mas demostra cu e Kyokushin Karate di nos isla por competi na un nivel internacional. E aña aki Team IFK Aruba lo biaha dia 30 di Januari pa 3 di Februari y ta conta cu no menos cu 8 atleta y 2 coach cu lo competi den e peleanan di Kyokushin Karate na Atlantic City USA.
E atletanan Arubiano lo competi den Open-Hand Kata y Kumite (full contact) y nan edadnan ta varia entre 10 te cu 46 aña di edad.

 

Team IFK Aruba 2025 ta consisti di:

Gaël Laclé Categoria U -11 Kata
Kai Ruiz Categoria U -11 Kumite
Lian Contreras Categoria U -14 Kumite
Liam Willer Categoria U -14 Kumite y Kata
Matias Marchena Categoria U -14 Kumite
Dexo Lindeborg Categoria U -18 Kumite
Noah Willer Categoria U -18 Kumite
Joshua Verschuur Categoria Veterans <168lbs – Kumite y Kata
Senpai Brian Marchena Categoria Veterans >187lbs – Kumite
Coaches: Sensei Zairo Ruiz (Sandan, 3 rd Dan),
Senpai Brian Marchena (Shodan, 1 st Dan)

Kyokushin Karate ta ser considera como e disciplina mas duro den e mundo di Karate, ya cu peleanan ta wordo caracterisa door di e forma  “Full Contact”; di bringa y no basa ariba puntuahe solamente. Na final di rounds stipula, si no tin ganador un equipo di 4 juez y un referee lo tuma un desicion a base di e despliegue di cada atleta. Cada vez cu un atleta gana, e ta pasa pa e siguiente ronde di eliminacion te ora cu tin un ganador absoluto.

Un tiki di Tokon Dojo Kyokushin Aruba
Tokon Dojo ta duna les di Kyokushin karate for di aña 2005 y ta actualmente bou liderazgo di Sensei Zairo Ruiz, 3rd Dan.

E dojo ta afilia na International Association of Kyokushin Karate (IFK), cual ta conta cu mas di 175 mil miembro rond mundo.
Tokon Dojo tambe ya tin 2 aña ta organiza e Aruba Spring Kyokushin Camp den e luna di mei cu coachnan renombra y campeonnan internacional como guest instructors. E aña aki atrobe lo trece bringadornan di renombre mundial pa sigui crece e conosemento den Kyokushin aki na Aruba.

Orario di les
Lesnan ta tuma lugar na Prinses Amalia Basisschool tur Dialuna y Diahuebs for di
6:30 PM – 7:30 PM y Advanced training ariba Diasabra 4:00 PM – 5:30 PM.
Muchanan bou di 16 aña semper a, y lo sigui train gratis y por cuminsa train for di 5 aña di edad en adelante.
Pa mas informacion por tuma contact cu Tokon Dojo Aruba via Facebook y
Instagram, corda like y follow nan page pa keda altanto di tur locual ta Kyokushin na
Aruba.
Nos kier a desea tur atleta y equipo di #TeamIfkaruba tur clase di exito na Atlantic City.
OSU!