Tiger Taekwondo Academy cu resultado excelente na Las Vegas

Recientemente Tiger Taekwondo Academy a atende e campeonato USP las Vegas, Nevada cu un delegacion di nuebe atleta y dos entrenador, Jaison Ridderstaat y Teo Rodríguez, unda nos tabata tin e honor di representa nos isla den casi tur e categorianan infantil, cadet, junior y adulto.

Den e evento aki nos tabata tin e oportunidad di participa cu atleta nan di nivel halto di seleccion nacional y tur e mil cinco shen atletanan full rond di mundo. Nos a logra resultado hopi importante pa nos pais y pa e academia Tiger Taekwondo un medaya di Oro cu e atleta Aleycha Macea y Khaleesy Ridderstaat categoria infantil un medaya di Brons.

 

Tiger Taekwondo Academy, nuebe atleta kier a gradici tur e automovilista na cada Rotonda na Aruba.