Tenistanan di Aruba lo competi den e Junior Davis Cup U16 na Guatemala City, Guatemala

E competencia lo cuminsa dialuna awor, mientras nos tenistanan a biaha awe diasabra. Majan lo ta un dia oficial di entrenamento y dialuna nos hobennan lo mira accion.

Mester bisa cu esaki ta e qualifying pa e World Cup, unda 1 pais lo gana y lo bai na luna di Mei, Merca pa competi contra USA, Canada, y Mexico. Lo ta compitiendo un total di 19 pais na Guatemala.

E hungadornan cu a biaha pa e Junior Davis Cup ta Jay Wernet (15), Nishentel Meyers (14), Kishan Rua Correa (14) mientras como coach a biaha Kevin Wever (27).

Hopi exito na nos tenistanan y coach Wever.