TEAMARU ta cla pa e siguiente Weganan di 2026

Ayera diahuebs parti atardi a instala imagennan nobo riba e billboard na cas di Comite Olimpico Arubano (COA), unda ta ilustra parti di TEAMARU cu lo bay participa na dos diferente evento den e siguiente lunanan. Den luna di juli lo bay competi na e Weganan Centroamericano y di Caribe “Santo Domingo 2026”. Despues lo bay Argentina den luna di september pa asina competi na e Weganan Suramericano “Santa Fe 2026”. TEAMARU ta mira un tremendo delegacion cu ta den pleno preparacion pa participa na ambos evento.
 
     
Na e otro banda di e billboard, a opta pa resalta e balornan Olimpico, cu ta pilarnan di tur cos cu ta wordo haci den e mundo Olimpico y na COA. A traves di e balornan di Excelencia, Amistad y Respet ta busca pa un miho Aruba atraves di Deporte.

Related posts

Aruba su federacion di ciclismo ta conoce un directiva nobo

Federacion di Volleyball ta reuni cu COA den cuadro di Plan Strategico

Capacity Building Training 3 a continua cu reunion cu federacion di Sailing