Team Aruba ta clausura e campeonato di landamento CCCAN 2023 cu varios reto

E seleccion di landamento di Aruba a sera e campeonato di landamento CCCAN 2023 na El Salvador cu varios final apesar cu algun landado a bira malo. E hoben Jayrick Winterdal ta keda na di 4 lugar den 400 m freestyle mientras Gideon Flanegien ta yega na di 5 lugar den 50 m breaststroke. E landado Jaydon Croes ta yega di 7 lugar den 50 breaststroke y na di 6 lugar den 100m butterfly. Chloë Farro cu ya caba e conkista dos medaya a keda na di 8 lugar den e 50m butterfly.

Un palabra di pabien na nos 10 landadonan, cu apesar a pasa den varios contra tempo debi cu cu a sufri un kebrante di salud a duna nan ultimo energia pa landa e finalnan.  Aruba su landadonan a lucha den un campeonato cu e mihornan di Centro America y Caribe unda nos a sa na briya y demostra cu definitivamente nos ta un di e mihornan den nos region y continente.

Pabien na nos seleccion bou guia di coach Tyrine de Kort. Un danki na delegado, Charissa Kock-Croes cu a informa nos tur dia riba e desaroyo di nos seleccion na El Salvador.