Stingray Swimming Team lo participa den e 33rd Anual Speedo Winter Championships na Fort Lauderdale

Landadonan di Stingray Swimming Team ta cla pa bataya y representa Stingray y Aruba den gran forma na e 33rd Anual Speedo Winter Championships na Fort Lauderdale.

 

Pa por a participa na e evento aki, e muchanan mester a clasifica. En total 21 atleta a logra nan clasificacion di cual 11 atleta lo ta biahando pa competi. Nos atleta nan ta: Jaydon Croes, Gavin Kock, Clarence Blijden, Ian Croes, Ocean Van Loon, Eva Kock, Czyaleah Lampe, Genisis Laclé, D-Leylah Gerrel, Emiliano Tromp y Shine Van Loon bou guia di Coach Valerie Eman.

 

E atletanan aki tin hopi tempo ta prepara pa e competencia aki danki na nos tremendo Coaching Staff; Ismael Santiesteban, Rayon Lampe, Shameeza Van loon y Valerie Eman

 

Nos ta gradici tur e mayornan pa nan esfuerso y dedicacion pa haci e biahe aki posibel. Danki na tur persona cu a contribui cu Stingray Swimming Team su actividadnan y fundraisingnan durante henter aña pa asina nos atletanan por hasi e biahe aki posibel.  

 

Stingray Swimming Team & Board ta gradici un y tur pa e confiansa y alabes ta felicita tur atleta pa nan logro y ta deseanan tur clase di exito na Plantation.