Stingray Swimming tawata tin un super bon aña competetivo 2023

Cerando e aña cu hopi medaya nacional y internacional. Un totaal di: 295 ORO, 307 PLATA y 206 BRONS. Esaki nan a ser gana na diferente competencia nan cu nos miembro nan a participa.

Competencia nan manera: Betico, Last lap, Himno y Bandera, Carifta(Curaçao), Stingray Challenge, Juegos Centro Americanos(El Salvador) Campeonato Arubano, Giants Open, Aruba Dolphins Invitational, Siegfried Invitational(Curaçao) y Plantation(USA)

Tambe nos tin nos elite swimmers cu a representa e team y Aruba dignamente na diferente competencia nan internacional.
Nos tin Brandon Cheong cu a participa den varios competencia na merca. Brandon lo ricibi su Bachelors den Psychology e aña aki y na Mei e lo sigi cu su Masters den Clinical Psychology.

Nos tin Elisabeth Timmer cu a participa na CAC na El Salvador, Mundial na Japon y Weganan Panamericanos na Lima.
Nos tin Mikel Schreuders cu ta logra 4 medaya na CAC; 1 oro y 3 Plata y ta pone un record Centro Americano riba e 50 pecho. Mikel tambe a participa na Mundial cu a tuma lugar na Japon caminda cu e ta logra pone su mes den e mihor 20 nan di mundo.
Mikel ta marca Historia y ta bira e e prome landador Arubiano pa clasifica pa OLIMPIADA 2024.

Stingray Swimming sigur tawata tin un aña cu hopi Medaya, Trofeo, Records nobo y sin laga afo un clasificacion HISTORICO pa Olimpiada. Pa es motibo aki nos no por sera 2023 sin premia nos landadornan cu mas a destaca durante full e aña. Den un ambiente ameno nos a gosa hunto y a celebra nos logronan y metanan. Nos por mira bek na un aña 2023 cu hopi recuerdonan y NOS ta kla pa 2024

Esakinan ta nos atletanan cu mas a destaca den 2023:
Male 6 & Under –> Duncan Ponson
Female 7-8 –> Iva Werleman
Male 7-8 –> Xay-Rion Rodriguez
Female 9-10 –> Vitali Inocencia
Male 9-10 –> Leandro Santiesteban
Female 11-12 –> Eva Kock
Male 11-12 –> Zaniel Geerman
Female 13-14 –> Genisis Laclé
Male 13-14 –> Ocean Van Loon
Female 15-17 –> Anezka Tromp
Male 15-17 –> Jaydon Croes
Female 18 & Over –> Canila De Cuba
Male 18 & Over –> Landon Laaf
Rising Star –> Elisha Maduro
Most Valuable Female Swimmer –> D-Leylah Gerrel
Most Valuable Male Swimmer –> Thiago Geerman

Den nomber di Board nos kier a duna un danki na tur nos atletanan pa nan dedicacion y amor pa e deporte di landamento, na e mayornan y voluntario nan nos kier a gradici boso pa e confiansa y judansa di henter e aña largo y por ultimo nos kier a gradici nos Coaching Staff pa nan trabou incansabel. Nos ta conta cu boso tur pa e aña aki.

Photo credit: Noel Werleman.