Stadion Guillermo Trinidad ta prakticamente cla pa e wega entre Seleccion di Aruba y Us Virgen Island

Awe diahuebs nos a pasa tira un bista pa loke ta stadion Guillermo Prospero Trinidad na Dakota cu ta den renobacion. Nos a ripara cu ta trahando duro riba e ultimo detayenan pa asina diasabra awor e pueblo di Aruba y sigur e amantenan di futbol, despues di 7 anja por disfruta atrobe di un partido di nos seleccion nacional di futbol. un wega valido pa Nations League di CONCACAF.

 

Tene nan cuenta si cu stadion ta parcialmente habri ya cu ambos tribuna banda pabou no ta cla ainda, pues banda pariba so lo por acomoda fanatico. No obstante di esaki stadion Guillermo Trinidad ta hayando un cara nobo mientras despues cu tribunanan mas e pista di atletismo bini cla, nos lo tin atrobe un hoya di stadion. Busca bo carchi pa e wega di nos seleccion nacional di futbol pabo no keda afor.

 

Corda cu diasabra awor e wega ta cuminsa pa 3or di atardi.