S.V. Bubali Division 1 Triunfa contra Sporting y Tuma Prome Lugar den su Poule

Den un partido emocionante dia 21 di November 2024 na Compleho Deportivo Frans Figaroa,
S.V. Bubali Division 1 a sali victorioso contra Sporting cu un score di 3-2. E victoria aki ta un
logro importante pa e equipo, marcando nan determinacion y talento riba veld, cual a pone nan
firme den e prome lugar di nan poule.
Un persona clave tras di e exito aki ta nan coach nobo, Antonio Lopez, un persona cu ta un
parti integral di e famia di S.V. Bubali for di su infancia. E amor cu Antonio ta carga pa su club ta
ta di admira. Conoci pa su pasion di futbol y su compromiso cu e comunidad, Antonio ta dedica
su tempo liber pa coach varios teamnan, manera categorianan U11, Damas U17 y Damas
Open.

     
Awor, Antonio a tuma un reto mas grandi: guia Division 1 pa subi bek Hoofdklas. E trabou di
Antonio ta completamente boluntario, un prueba cu eta carga e deporte y su comunidad na su
curason. Algo cu awendia, bo no ta wak mucho mas den nos deporte di futbol.
E victoria aki ta un logro colectivo. Un gran danki ta bai pa e liderazgo di Antonio, e esfuerzo
duro di henter e team di S.V. Bubali Division 1, sponsors, y pa e apoyo constante di e
fanaticonan cu semper ta den nan banda.

S.V. Bubali Division 1 ta na un caminda emocionante, y cu Antonio Lopez na liderato, nan meta
pa yega bek na Hoofdklas ta mas cerca di ta realidad. Pabien pa e team y un gran danki pa tur
esnan cu ta contribui na nan exito!
1 team, 1 bario, 1 BUBALI! Orguyonan di Noord!